Zalmen Reyzen – l’âge d’or de la grammaire yiddish (en yiddish, sur Zoom)

Conférence de Daria Vakhrushova

Dimanche 26 janvier 2025 à 20h

1907 : une lettre anonyme à la rédaction de Der fraynd (l’ami) réclame que l’on rédige enfin une grammaire yiddish. “Au lieu de philosopher sur la beauté et la simplicité de la grammaire yiddish, il nous serait beaucoup plus utile de concevoir cette grammaire” réclame le lecteur anonyme.

1908 : Der fraynd fait de la publicité pour la Grammaire de la langue yiddish (étymologie et syntaxe), de Zalmen Reyzen. Ce fut le brillant début d’une série de manuels qui parurent partout dans le monde de 1908 à 1940. Daria Vakhrushova montrera la grande variété des méthodes et des points de vue développés sur la langue de 1908 à 1940, véritable âge d’or des études grammaticales yiddish.

Chercheuse à l’université de Munich, Daria Vakhrushova est spécialiste de la culture yiddish en Union soviétique et de l’histoire de la traduction. Elle a collaboré à une nouvelle édition de l’ouvrage de grammaire yiddish d’Elye Falkovitsh (parue au printemps 2024).

La conférence se déroule en yiddish, sur Zoom.

Tarif : 12 €. Adhérents : 7 €*.
*Adhérez à la Maison de la culture yiddish pour la saison 2024-2025 et découvrez le code promotionnel qui vous donnera accès au tarif réduit sur vos réservations.

Cliquez ici pour réserver (réservation obligatoire).

Attention : au moment du règlement, la plateforme Helloasso vous proposera d’ajouter une contribution à son fonctionnement. Celle-ci est optionnelle, et vous pouvez changer son montant ou bien l’annuler en appuyant sur le bouton « Modifier ».

זלמן רייזען און די בלי־תּקופֿה פֿון דער ייִדישער גראַמאַטיק

רעפֿעראַט פֿון דאַריע וואַכרושאָוואַ

זונטיק דעם 26סטן יאַנואַר 2025, 8 אַז’ אין אָוונט פּאַריזער צײַט

1907: אַן אַנאָנימער בריוו אין דער רעדאַקציע פֿון „דער פֿרײַנד“ פֿאָדערט מע זאָל סוף־כּל־סוף שאַפֿן אַ געשריבענע ייִדישע גראַמאַטיק. „אַנשטאָט צו חקרענען וועגן דער שיינקייט און דער פּשוטקייט פֿון דער ייִדישער גראַמאַטיק, איז פֿאַר אונדז איצט די נייטיקסטע זאַך, אַזאַ גראַמאַטיק צו שאַפֿן,“ מאָנט דער אַנאָנים

1908: „דער פֿרײַנד“ גיט רעקלאַמע פֿאַר זלמן רייזענס „גראַמאַטיק פֿון דער ייִדישער שפּראַך (עטימאָלאָגיע און סינטאַקסיס)“. דאָס ביכל איז געוואָרן אַ גלענצנדיקער אָנהייב אין דער ריי ייִדישע גראַמאַטיקעס וואָס זענען דערשינען אין פֿאַרשיידענע יאָרן און עקן פֿון דער וועלט. נישט געקוקט אויף דער אפֿשר ניט צו גרויסער צאָל ביכער, איז די ייִדישע גראַמאַטישע לאַנדשאַפֿט ביז גאָר רײַך און פֿאַרשיידן־מיניק. רייזענס ערשטער פּרוּוו, מרדכי וויינגערס עקספּערימענטן, שלמה בירנבוימס קלאַסיש־אָריענטירטע שפּראַך־באַשרײַבונג, פֿאָרמאַליסטישע ווערק פֿון אײַזיק זאַרעצקי, די גרויסע אַקאַדעמישע גראַמאַטיק פֿון אליה (עלי) פֿאַלקאָוויטש און – שוין נאָך דער מלחמה – די גראַמאַטיק פֿון דער ייִדישער שפּראַך פֿון יודל מאַרק, וואָס נעמט אַרום ניט ווייניק מאַטעריאַל פֿון זײַן פֿאָרשונג זינט די 1930ער יאָרן. ניט צו פֿאַרגעסן די גראַמאַטיק פֿון לודוויג זאַמענהאָף, געשריבענע נאָך אין 1879 און פּובליקירטע אָנהייב צוואַנציקסטן יאָרהונדערט. וועגן דעם, ווי אַזוי עס האָט זיך אַנטוויקלט דאָס גראַמאַטישע ’געשעפֿט‘ אויף ייִדיש, דער עיקר אין זײַן בלי־תּקופֿה צווישן 1908 און 1940, וועט גיין די רייד אין דעם רעפֿעראַט דעם 26סטן יאַנואַר

דאַריע וואַכרושאָוואַ לערנט ייִדיש אין מינכנער אוניווערסיטעט און פֿאָרשט וועגן סאָוועטיש ייִדיש. צוזאַמען מיט אפֿרת גל־עד, שמעון נויבערג און וואַלענטינאַ פֿעדטשענקאָ האָט זי געאַרבעט אויף דער נײַער עדיציע פֿון עלי פֿאַלקאָוויטשעס גראַמאַטיק „ייִדיש“ (דערשינען אין פֿרילינג 2024)

טאַריף : 12 אייראָס. מיטגלידער : 7 אייראָס

ווערט אַ מיטגליד אינעם פּאַריזער ייִדיש־צענטער אויפֿן סעזאָן 2024 / 2025, וועט איר קריגן אַ קאָד מיט וועלכן איר וועט קענען באַצאָלן מיט אַ הנחה

אײַנשרײַבונג

ווען איר וועט האַלטן בײַם באַצאָלן, וועט אײַך « העלאָאַסאָ » פֿאָרלייגן אַ צוגאָב־צושטײַער פֿאַרן קיום פֿון דער דאָזיקער פּלאַטפֿאָרמע. דאָס איז אָפּציאָנעל : איר קענט בײַטן די סומע אָדער אַנולירן דעם צושטײַער מיטן קנעפּל « Modifier ».